وتەبێژی وەزارەتی دەرەوەی عێراق رایدەگەیەنێت، وەزیری دەرەوەی توركیای رۆژی چوارشەممەی داهاتوو سەردانی عێراق دەكات و لەگەڵ بەرپرسانی باڵای عێراقدا كۆدەبێتەوە.
ئەحمەد سەحاف لەلێدوانێكی رۆژنامەوانیدا رایگەیاند، هاكان فیدان وەزیری دەرەوەی توركیا رۆژی چوارشەممە سەردانێكی فەرمیی بۆ بەغداد ئەنجامدەدات و لەگەڵ فوئاد حسێن هاوتا عێراقییەكەیدا كۆدەبێتەوە.
ئاماژەی بۆ ئەوەش كرد، لە كۆبوونەوەكەیاندا پەرەپێدانی پەیوەندییەكانی نێوان هەردوولا تاوتوێدەكرێن و چارەسەری دۆسییە هەڵپەسێردراوەكانی نێوان هەردوو وڵات دەكرێت.
