فەرماندەی پۆلیسی گشتیی کەرکوک: ئەو ئۆتۆمبێلەی وەزارەتی دارایی کە وەرگەڕا هیچ پارەیەکی تێدا نەبووە
بەیانی ئەمڕۆ لە نزیک گوندی چیمەنی لە سنووری پارێزگای کەرکوک ئۆتۆمبێلێکی تایبەت بە گواستنەوەی پارە وەرگەڕا و بەهۆیەوە دوو کەس بریندار بوون.
لیوا کاوە غەریب فەرماندەی پۆلیسی گشتی کەرکوک بە تۆڕی میدیایی ئێستای راگەیەند، “ئۆتۆمبێلەکە تایبەتە بە گواستنەوەی پارە و خاوندارێتی دەگەڕێتەوە بۆ وەزارەتی دارایی عێراق، ئەمڕۆ لە نزیک گوندی چیمەن وەرگەڕاوە و دوو کەس تێیدا برینداربوون”.
ئاشکراشیکرد، “ئۆتۆمبێلە هیچ بڕە پارەیەکی تێدا نەبووە”.
