لە بارەگای سەرەكیی بەڕێوەبەرایەتیی گشتیی دژەتیرۆر، وەهاب هەڵەبجەیی بەڕێوەبەری گشتیی دژەتیرۆر، پێشوازی لە شاندێكی باڵای سەربازیی كونسوڵی هۆڵەندا كرد.
شاندەكە پێكهاتبوون لە كۆلۆنێڵ كیس مارسێلس ڕاوێژكاری سەربازی بۆ كاروباری چاكسازیی پێشمەرگە لە كونسوڵگەری گشتیی هۆڵەندا.
لە دیدارەكەدا تاوتوێی دوایین هەنگاوەكانی پڕۆسەی چاكسازی و یەكخستنەوەی هێزە سەربازییەكانی هەرێمی كوردستان و ئاستەنگییەكانی بەردەم ئەو پڕۆسەیە كرا.
هەروەها پشتیوانیی خۆیان بۆ هێزەكانی دژەتیرۆر و فەرماندە و سەربازەكانی ئەو هێزە دووپاتكردەوە لە پای هەوڵ و ئۆپەراسیۆنە بەردەوامەكانیان بۆ بەرەنگاربوونەوە و لەناوبردنی مەترسییەكانی تیرۆر لەناوچەكەدا،
لای خۆیەوە بەڕێوەبەری گشتیی دژەتیرۆر، سوپاس و پێزانینی دەربڕی بەرامبەر پشتیوانی بەردەوامی هۆڵەندا لە هێزی پێشمەرگەی كوردستان بە گشتی و دژەتیرۆر بە تایبەتی.
