بەیانی ئەمڕۆ رووناك عەبدولواحید، هاوسەری د. فوئاد مەعسوم، سەرۆك كۆماری پێشووتری عێراق و ئەندامی دەستەی دامەزرێنەری یەكێتی كۆچی دوایی كرد و سبەینێ تەرمەكەی دەگاتەوە ھەولێر و دواتر بەرەو كۆیە بەڕێدەكرێت و بە خاك دەسپێردرێت.
رووناك عەبدولواحید مستەفا، هاوسەری د. فوئاد مەعسوم سەرۆك كۆماری پێشووتری عێراق ماوەیەك بوو باری تەندروستی ناجێگیربوو، ئەمڕۆش لە تەمەنی 81 ساڵیدا لە بەغداد كۆچی دواییكرد.
روناك عەبدولواحید لە ساڵی 1968 لەگەڵ د. فوئاد مەعسوم هاوسەرگیری كردوە و خاوەنی پێنج كچن.
لە ساڵی 1942 لەدایكبووە و دەرچووی پەیمانگەی مامۆستایان بووە.
