رۆژی شەممە ئەنجومەنی نوێنەرانی عێراق كۆدەبێتەوە و دەنگ لەسەر پڕۆژەیاسایەك دەدات، دوو وەزیر بانگهێشتدەكرێن.
ئەنجومەنی نوێنەرانی عێراق كارنامەی دانیشتنی رۆژی شەممەی بڵاوكردەوە و بەپێی بەرنامەی كارنامەش لە بڕگەی یەكەمدا دەنگ لەسەر پڕۆژەیاسای بەكرێدانی زەوی كشوكاڵی دەدات و لە بڕگەی دووەم و سێیەم پرسیاری زارەكی ئاڕاستەی وەزیرانی ناوخۆ و دارایی دەكرێت.
ئاماژە بۆ ئەوەش كراوە، لە بڕگەی چوارەم و پێنجەمیش، خوێندنەوە و گفتوگۆ لەبارەی راپۆرتی هەردوو پڕۆژەیاسای بەخشینی ھەڵگرانی پاسپۆرتی دیبلۆماسی و خزمەتگوزاریی لە ڤیزای چوونەژوورەوە لە نێوان عێراق و روسیا و قوبرس دەكرێت.
