لیۆنێل مێسی لە ڕابەرایەتی کردنی یانەى ئینتەرمەیامی بەردەوامەو ئەمجارە بە لێدانی یەکلاییکەرەوە لە دالاسیان بردەوە.
مەیامی و دالاس بە چوار گۆڵ یەکسان بوون دواتر بە لێدانی یەکلاییکەرەوە مێسی و هاوڕێکانی گەیشتنە قۆناغی هەشتی لیگا کەپ.
لەوکاتەوەى مێسی پەیوەندی بە ئینتەرمەیامییەوە کردووە یانەکە توشی شکست نەبووە.
مێسی 4 یاریی کردووە، تیپەکەى هەر چوار یارییەکەى بردۆتەوە، 7 گۆڵی تۆمارکردووە، یەک گۆڵی دروستکردووە.
هەر چوار یارییەکەش وەک باشترین یاریزانی یارییەکە دەستنیشان کرا.
