درەنگانی شەوی رابردوو دوو گەنج لەناو دەریاچەی دوکاندا خنکان کە برابوون و بەمەبەستی گەشتیاری سەردانی دوکانیان کردبوو.
بەپێی زانیارییەکان ئەو دوو گەنجەی شەوی رابردوو لەناو دەریاچەی دوکاندا خنکان، خەڵکی شاری کەرکوکن، کوردن و بران، بەمەبەستی گەشتیاری هاتبوونە شارۆچکەی دوکان.
رووداوەکە کاتێک روویداوەکە یەکێک لەو دوو برایە چووتە ناو دەریاچەکە بۆ مەلەکردن، بەڵام دوای کەمێک دیارنەماوە، دووەمیشیان بەمەبەستی دۆزینەوەی براکەی چووەتە ناو ئاوەکە و بە هەمانشێوە دیارنەماوە و خنکاوە.
تیمەکانی رزگارکردن توانیویانە لە کاتژمێر 3:00ی بەرەبەیانی ئەمڕۆ تەرمی یەکێک لەو دوو برایە بدۆزنەوە و گەڕان بەدوای تەرمی براکەی تریشدا بەردەوامە.
