دوای ئەوەی شەوی رابردوو زاوایەك تەقەی لە ماڵی خەزووری كرد و بەهۆیەوە خەزووری كوشت و چوار كەسی دیكەی برینداركرد.
بەپێی زانیارییەكانی پەیامنێری تۆڕی میدیایی ئێستا لە كەركوك ، كەمێك پێش ئێستا هاوژینەكەی و خەسووشی گیانیان لەدەستدا.
شەوی رابردوو عامر نووری وتەبێژی بەڕێوەبەرایەتیی پۆلیسی كەركوك لە لێدوانێكدا بە تۆڕی میدیایی ئێستای راگەیاند، لە گەڕەكی كەرامەی شاری كەركوك پیاوێك كێشەی لەگەڵ هاوژینەكەی هەبووە و چووە لە ماڵی باوكی بیگەڕێنێتەوە و دەمەقاڵیی لەگەڵ ماڵی خەزووریدا بۆ دروستبووە و بەهۆیەوە دەستدرێژی گوللەی كردووە و خەزووری كوشتووە و هاوژینەكەی و خەسووی و دوو برای هاوژینەكەی برینداربوون.
راشیگەیاند، تائێستا تۆمەتبارەكە دەستگیرنەكراوە و لێكۆڵینەوە لە رووداوەكە دەستیپێكردووە.
