بەپێی ئەو زانیارییانەی بە تۆڕی میدیایی ئێستا دراون، تا وەكو ئێستا پارەی تەرخانكراو بۆ مووچەی فەرمانبەرانی هەرێمی كوردستان لە عێراقەوە رەوانەی هەرێم نەكراوە و چاوەڕواندەكرێت سبەی پارەكە بگاتە هەرێمی كوردستان.
هەر لە زانیارییەكاندا هاتووە، ئەمڕۆ سێشەممە، تا كۆتایی دەوامی فەرمی پارەكە نەگەیشتووەتە هەرێمی كوردستان و چاوەڕواندەكرێت سبەی پارەكە بگاتە هەرێمی كوردستان و راستەوخۆ خشتەی مووچە رادەگەیەنرێت.
كەمێك پێش ئێستا محەمەد شیاع سودانی سەرۆك وەزیرانی عێراق لە كۆنگرەیەكی رۆژنامەوانیدا رایگەیاند، مووچەی فەرمانبەرانی هەرێمی كوردستانمان رەوانەكرد.
