پۆلیسی سلێمانی دەستگیرکردنی تۆمەتبارێک و دەستبەسەرداگرتنی ئۆتۆمبێلێکی راگەیاند کە دزرابوو.
بەڕێوەبەرایەتیی پۆلیسی سلێمانی بڵاویکردەوە، ” لەسەر سكاڵای هاوڵاتییەك كە دزی لێكرابوو تۆمەتبارێك دەستگیركرا و لە ئێستادا تۆمەتبار ( گ،ج،ر لەدایكبووی 2001) بە بڕیاری دادوەر راگیراوە و دانی ناوە بەتاوانەكەیدا”.
ئاماژەی بەوەشکرد، “لە چالاکییەکی دیکەدا لە لایەن بنكەی پۆلیسی تاسڵوجەوە ئۆتۆمبێلێك دەستیبەسەرداگیرا كە فەرمانی دەستبەسەردا گرتنی هەبووە لە دادگای لێكۆڵینەوەی عەنكاوا، لەئێستادا ئۆتۆمبێلەكە لای بنكەی پۆلیسی ناوبراوە و دوای تەواوكردنی رێكارە یاساییەكان رادەستی شوێنی داواكراو دەكرێتەوە”.
