لە شاری هەولێر پێدانی بەنزین بە شۆفێران سنووردارکراوە و بەپێی بڕیارێک هەر شۆفێرێک مافی نییە لە رۆژێکدا لە 40 لیتر بەنزین زیاتری پێبدرێت.
سالار محەمەد رەمەزان سەرۆكی لیژنەی بەدواداچون و دابەشكردنی بەنزین، ئاگادارییەکی ئاراستەی بەنزینخانەکان کردووە و دەڵێت، “هەر ئۆتۆمبێلێک بە بڕی 30 هەزار دینار بەنزینی بۆ دابیندەکرێت کە دەکاتە 40 لیتر و ئەو بڕیارەش لە ئەمڕۆوە جێبەجێدەکرێت”.
لە ئاگادارییەکەدا ئاماژەی بەوەکردووە، هەر بەنزینخانەیەک سەرپێچی بکات و لەو بڕە زیاتر بدات بە بەنزینخانەکان رووبەڕووی لێپێچینەوەی یاسایی دەکرێتەوە و لێپرسینەوەی لێدەکرێت، بەنزینی پێنادرێت.
