سەرباری بەرزی پلەكانی گەرما لە عێراق و هەرێمی كوردستان لەم وەرزەدا، بۆ ئەمڕۆ هیچ شارێكی عێراق و هەرێمی كوردستان لە ریزبەندی 15 گەرمترین شارەكانی جیهاندا نەبوون، بەپێی ئامارێكیش یەكێك لە شارەكانی جەزائیر بەرزیی پلەكانی گەرمای گەیشتووەتە 49.8 پلەی سیلیزیی بەوەش گەرمترین شاری جیهان بووە.
هاوكات هەر بەپێی ئامارەكانی بەڕێوەبەرایەتیی گشتیی كەشناسیی هەرێمی كوردستان، ئەمڕۆ یەكشەممە، ئیدارەی گەرمیان گەرمترین ناوچەی هەرێمی كوردستان بووە و پلەی گەرما 47 پلەی سیلیزیی بووە.
