پۆلیسی سلێمانی دەستگیرکردنی کەسێکی بە تۆمەتی کوشتنی هاوڵاتییەک لە مەیدانی ئاژەڵان دەستگیرکرد کە ویستبووی بۆ هەولێر هەڵبێت.
بەڕێوەبەرایەتیی پۆلیسی سلێمانی بڵاویکردەوە، “کاتژمێر :009 ی بەیانی ئەمڕۆ لە مەیدانی ئاژەڵانی شاری سلێمانی شەڕ و دەمەقاڵێ لە نێوان دوو كەسدا دروستبوو، لە ئەنجامدا كەسێك بە چەقۆ كوژراو تۆمەتباری رووداوەكە هەڵات”.
ئاماژەی بەوەشکرد، “دوای گەیشتنی هێزەكانی پۆلیس بۆ شوێنی رووداوەکە و وەرگرتنی بڕیاری دادوەر، كەشف و هێڵكاری بۆ شوێنی رووداوەكە كرا و دوای لێكۆڵینەوەكان توانرا لەلایەن مەفرەزەکانی بنكەی پۆلیسی چوارچراو نەهێشتنی تاوانی سلێمانییەوە تۆمەتبار بدۆزرێتەوە و دەستگیربكرێت”.
ئاشکراشیکرد، “تۆمەتبار(خ،ح،ح) ویستبووی بەرەو شاری هەولێر هەڵبێت بە بڕیاری دادوەر و بەپێی ماددەی 406 لە یاسای سزادانی عێراقی راگیراوە و لێكۆڵینەوە لەگەڵیدا بەردەوامە”.
