وەزیری پەروەردەی هەرێم رایدەگەیەنێت، لە شەش مانگی داهاتوودا دەیان خوێندنگە لە سەرجەم پارێزگاکانی هەرێم دەکەونە بواری خزمەتەوە، زیاتر لە هەزار و 500 خوێندنگەش نۆژندەکرێنەوە.
ئالان حەمەسەعید، وەزیری پەروەردەی هەرێمی کوردستان، لە میانی کردنەوەی خوێندنگەیەکی 18 پۆلی، لە گەڕەکی ژین لە ناحیەی دارەتووی شاری هەولێر، وتەیەکی پێشکەش کرد و رایگەیاند، لە شەش بۆ حەوت مانگی داهاتوودا دەیان خوێندنگە لە هەموو پارێزگاکانی هەرێمی کوردستان دەکەونە خزمەتی کەرتی پەروەردەوە.
“هەزار و 503 خوێندنگە لە هەرێمی کوردستان نۆژنکراونەتەوە و 453 پۆلی نوێی خوێندن دروستکراون” وەزیری پەروەردە وای وت.
وتیشی، بڕیاروایە لە قەزای کفری، زیاتر لە 16 خوێندنگە نۆژەنبکرێنەوە.
