پەرلەمان لێپرسینەوە لە بانکی رافیدەین و رەشید دەکات

لیژنەی دارایی لە ئەنجوومەنی نوێنەرانی عێراق ئاشکرای کرد، دەیانەوێت هەردوو بانکی رافیدەین و رەشید کە حکومەتی عێراق سەرپەرشتییان دەکات بانگ بکەن بۆ ئەنجومەنەکە سەبارەت بە پێشینەکان و قەرزە داراییەکان کە ئەو دوو بانکە دەیدەن بە هاوڵاتییان.

ئەسعەد توبی ئەندامێکی لیژنەی دارایی ئەنجومەنی نوێنەرانی عێراق رایگەیاند، لیژنەکە هەفتەی داهاتوو میوانداریی بەڕێوەبەرانی بانکی رافیدەین و رەشید دەکات بۆ زانینی قەرزەکان و بڕی سوودی ئەو قەرزانە لەلایەن بەڕێوەبەرایەتی هەردوو بانکەکەوە بۆ فەرمانبەران و هاوڵاتییان دەستیپێکردووە، ئەمەش لەکاتێکدایە باس لەوەدەکرێت کە هەندێکجار رێژەی سوود دوو هێندە زیاد دەکات.

ئاماژەی بەوەدا کە لە میواندارییەکەدا باس لەو قەرزە نیشتەجێبوونانە دەکرێت کە لەلایەن بانکەکانی رافیدەین و رەشیدەوە دراوە بە هاوڵاتییان.

بەپێی ئەو ئەندامەی ئەنجومەنی نوێنەران، لیژنەی دارایی لە ئەنجومەنەکە کار لەسەر کەمکردنەوەی رێژەی سوودی قەرزی نیشتەجێبوون دەکات کە لەلایەن بانکە حکومییەکانەوە دەدرێت بە هاوڵاتییان بەمەبەستی زیادکردنی ژمارەی ئەو کەسانەی قەرز دەیگرێتەوە و بەشداریکردن لە چارەسەرکردنی قەیرانی نیشتەجێبوون.

هاوڵاتییان گلەیی لە رێنماییەکانی ئیدارەی بانکەکان دەکەن سەبارەت بە سوودی قەرز بۆ کڕینی یەکەی نیشتەجێبوونی وەبەرهێنان.

بابەتی پێشتر

کۆمسیۆنی باڵای هەڵبژاردنەکان  وادەیەکی بۆ هەڵبژاردنی پەرلەمانی کوردستان دیاریکرد

بابەتی دواتر

دامەزراندن لە هەرێم راگەیەندرا و مووچەشیان لەسەر عێراق دەبێت

بابەتی پەیوەندیدار
زیاتر ببینە

نرخی دۆلار بەرزبووەوە

ئەمڕۆ دووشەممە جارێکی دیکە نرخی دۆلار بەرامبەر دیناری عێراقی بەرزبوونەوەی بەخۆیەوە بینی و 100 دۆلار بە 156هەزار و…
Total
0
Share