“حەمەگیان” یەكێكە لە بەخشراوەكانی شاری سلێمانی و بەهۆی تێكچوونی دۆخی تەندروستییەوە، لە ئێستادا لە نەخۆشخانەی شار لەبەشی چاودێری چڕدایە.
بەپێی راگەیەندراوێكی بەڕێوەبەرایەتیی گشتیی تەندروستیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، دوای تێكچوونی دۆخی تەندروستیی حەمەگیان ڕەوانەی فریاكەوتنی نەخۆشخانەی شار كراوە لە سلێمانی لەلایەن بەڕێوەبەر و پزیشكان و كارمەندانی فریاكەوتنی نەخۆشخانەكە و پێشوازی لێكراوە و چارەسەری پێویستی پزیشكی بۆ ئەنجامدەدرێت.
لە راگەیەندراوەكەدا هاتووە، بەمەبەستی زیاتر چاودێریكردن و بەردەوامی لە وەرگرتنی چارەسەرەكان، لە ئێستادا لەبەشی چاودێریی چڕدایە.
