پۆلیسی سلێمانی دەستگیرکردنی دوو تۆمەتباری راگەیاند کە سەرەڕای ئەوەی ماددەی هۆشبەریان بەکارهێناوە بازرگانییشیان پێوەکردووە، لە کاتی دەستگیرکردنیاندا دەستگیراوە بەسەر بڕێک ماددەی هۆشبەردا.
لە راگەیەندراوێکی پۆلیسی سلێمانیدا هاتووە، لەلایەن پۆلیسی سەیدسادق و دوکانەوە دوو تۆمەتبار دەستگیرکران کە بەکارهێنەر و بازرگانی ماددەی هۆشبەر بووە پێشتر بەدواداچوونیان لەبارەوە کراوە.
ئەو دوو تۆمەتبارە بە هەماهەنگیی نێوان پۆلیسی سەیدسادق و پۆلیسی دوکان دەستگیرکراون، لەکاتی دەستگیرکردنیشیاندا دەستگیراوە بەسەر بڕێک ماددەی هۆشبەردا کە بڕی یەک کیلۆگرام کریستاڵ بووە، هەروەها چەکێکی جۆری دەمانچە و بۆمبێکی دەستی و ئۆتۆمبێلێکیش دەستیبەسەردا گیراوە.
هەروەها یەکێک لە تۆمەتبارەکان بە 18 مانگ زیندانیکردن سزادراوە.
هەردوو تۆمەتبار ب،ح،ع لەدایكبووی 1995، ه،أ،م لەدایكبووی 1999 بە بڕیاری دادوەر راگیراون.
