بەڕێوەبەرایەتیی گشتیی پۆلیسی دارستان و ژینگەی سلێمانی رایگەیاند، هاوڵاتییەک لە باخەکەیدا ئاگری کردووەتەوە و بەهۆیەوە روبەرێکی زۆر پووش و پاوان و باخەکەی خۆشی سوتاوە.
لە راگەیەندراوی بەڕێوەبەرایەتییەکەدا ئاماژە بەوەکراوە، لە گوندی کانی ساردی ناحیەی سیتەک، ئاگرێک کەوتەوە و بەهۆیەوە 50 دۆنم پووش و پاوان و باخی هاوڵاتییەک سوتان.
راشیگەیاندووە، هاوڵاتییەک بە تۆمەتی کردنەوەی ئاگرەکە دەستگیرکراوە کە خۆی خاوەنی باخەکەیە و لەناو باخەکەیدا ئاگری کردووەتەوە و بووەتەهۆی سوتانی پووش و پاوان و باخەکەی خۆی.
