وەزارەتی پەروەردەی حکومەتی هەرێمی کوردستان، خوێندکارانی قۆناغی 12ی ئامادەیی راگەیاند، لە ئەمڕۆوە بۆ ماوەی یەک هەفتە دەتوانن تانە لە ئەنجامەکانیان بدەن.
لە راگەیەندراوی وەزارەتی پەروەردەی حکومەتی هەرێمی کوردستاندا هاتووە، لە ئەمڕۆ 4ی تەمموزەوە تاوەکو 11ی تەمموز خوێندکارانی قۆناغی 12ی ئامادەیی دەتوانن پەڵپ لە ئەنجامەکان بگرن.
شەوی رابردوو وەزارەتی پەروەردە ئەنجامی کۆتایی خوێندکارانی قۆناغی 12ی ئامادەیی بڵاوکردەوە، ئەنجامی 117 هەزار و 485 خوێندکاری 12ی ئامادەیی بە هەردوو بەشی زانستی و وێژەییەوە بڵاوکرایەوە.
