بەڕێوەبەرایەتیی گەشتوگوزاری سلێمانی ئاماری حەوت رۆژی رابردوو گەشتیارانی سنووری پارێزگای سلێمانی بڵاوکردەوە، بەپێی ئامارەکە لەو ماوەیەدا 113 هەزار گەشتیار لە سلێمانیدا بوون.
لە راگەیەندراوی بەڕێوەبەرایەتیی گشتیی گەشتوگوازاری سلێمانیدا ئاماژە بەوە کراوە، ئامارەکە لە سەرجەم بازگە، دەروازە سنوورییەکان و فڕۆکەخانەوە تۆمارکراوە و بەوپێیە 113 هەزار گەشتیار روویان لە سلێمانی کردووە.
راشیگەیاندووە، گەشتیارەکان لە ناوچەکانی دیکەی عێراق، ئێران و کەسانی بیانی پێکهاتوون.
هەروەها تێێدا هاتووە، رێژەی 85%ی گەشتیارەکان لە ناوەڕاست و باشووری عێراقەوە هاتبوون، لەگەڵ زۆریی ژمارەی گەشتیارەکانیشدا، بەڵام گرفتی شوێنی مانەوە بۆ گەشتیاران دروست نەبووە.
