وەزارەتی پێشمەرگە بڵاویكردووەتەوە، ئەفسەرێكیان لەلایەن كەسێكی نەناسراوەوە دەستڕێژی گوللەی لێكراوە و گیانیلەدەستداوە.
بەپێی ڕاگەیەندراوێكی وەزارەتی پێشمەرگە تێیدا هاتووە، ئێوارەی ئەمڕۆ پێنجشەممە، لە سنووری قەزای ئاكرێ عەقید سابر جومعە ئاكرێی ئەفسەر لە بەڕێوەبەرایەتیی مەشقی سەربازیی وەزارەتی پێشمەرگە، لەلایەن كەسێكی نەناسراوەوە، دەستڕێژی گوللەی لێكراوە
لە ڕاگەیەندراوەكەدا هاتووە، ئەفسەرەكە دەستبەجێ لەو شوێنە گیانیلەدەستداوە هاوسەر و منداڵێكیشی بریندارن لە ئێستاشدا هێزە ئەمنییەكان دەستیان بە لێكۆڵینەوە لەسەر ڕووداوەكە كردووە.
