وەزارەتى خوێندنى باڵا فەرمانى دامەزراندن بۆ هەردوو (زانکۆى پۆلیتەکنیکى گەرمیان) و (زانکۆى ئاکرێ بۆ زانستە کردارییەکان) دەردەکات.
وەزارەتى خوێندنى باڵا و توێژینەوەى زانستیى هەرێم بڕیاریدا بە دامەزراندن (استحداث)ى زانکۆیەکى حکومى نوێ بەناوى (زانکۆى پۆلیتەکنیکى گەرمیان) کە ناوەندەکەى لە ئیدارەى سەربەخۆى گەرمیان (قەزاى کەلار) دەبێت. سەرەڕای بەستنەوەى زانکۆكە بە وەزارەتی خوێندنی باڵا و زیادکردنى بۆ لیستى زانکۆ حکومییەکان.
لە فەرمانێكی دیكەدا بڕیاردراوە بە دامەزراندن (استحداث)ى زانکۆیەکى حکومى نوێ بەناوى (زانکۆى ئاکرێ بۆ زانستە کردارییەکان) کە ناوەندەکەى لە قەزاى ئاکرێ دەبێت.
