پۆلیسی سلێمانی رایگەیاند، تۆمەتبارێکیان دەستگیرکردووە کە بڕی 20 ملیۆن و 75 هەزار دیناری لە هاوڵاتییەک دزیبوو.
لە راگەیەندراوی پۆلیسدا هاتووە، دوای ئەوەی هاوڵاتییەك سكاڵای تۆماركرد كە دزی لێ كراوە و بڕی 20 ملیۆن و 75 هەزار دیناری لێدزراوە، بەدواداچوونەكان دەستیپێكرد.
ئاماژە بەوەشکراوە، توانرا تۆمەتبار بدۆزرێتەوە و دەستگیربكرێت، لەكاتی دەستگیركردنیشیدا دەستگیرا بەسەر ئۆتۆمبێلێك كە بە وتەی تۆمەتبار بە پارەی دزیكردنەكە كڕیویەتی .
لەئێستادا تۆمەتبار (س،أ،م لەدایكبووی 1988 ) بەپێی ماددەی 446 لەیاسای سزادانی عیراقی راگیراوەو دانی ناوە بەتاوانەكەیدا.
