محەمەد شیاع سودانی سەرۆك وەزیرانی عێراق لە كۆنگرەیەكی رۆژنامەوانیدا راپۆرتی شەش مانگی جێبەجێكردنی كارنامەی حكومەتەكەی بڵاوكردەوە و رایگەیاند، “بۆ بەرهەمهێنانی نەوت و غاز چەندین گرێبەستمان ئەنجامداوە”.
ئاشكراشیكرد، كارمانكردووە بۆ ئەوەی دامەزراوەكان پێشبخەین و پێشتر پلانێكمان دانەناوە كە توانای جێبەجێكردنیمان نەبێت و هەر بۆیە پلانمان هەیە هەزار خوێندنگە لە تەواوی ناوچەكانی عێراقدا دروستبكەین.
ئاماژەی بۆ ئەوەش كرد، بۆ بەرهەمهێنانی نەوت و غاز چەندین گرێبەستمان ئەنجامداوە و چاكسازی لە كەرتی كارەبادا دەكەین و گرنگی زۆرمان بە كەرتی تایبەتداوە لەگەڵ ئەوەشدا كارمان بۆ رەخساندنی هەلی كاركردووە بە مەبەستی كەمكردنەوەی رێژەی بێكاری لە وڵاتدا.
