بەرەبەیانی ئەمڕۆ ئەختەر ئەحمەد ئەو هاوڵاتییەکەی هەرێمی کوردستان کە لە وڵاتی سعودیە و پێش بەجێگەیاندنی فەریزەی حەج تووشی جەڵتەی مێشک ببوو گیانیلەدەستدا.
بەرەبەیانی ئەمڕۆ چوارشەممە هاوڵاتیی ئەختەر ئەحمەد خەڵکی شاری هەڵەبجە دوای چەند رۆژێک لە تووشبوونی بە جەڵتەی مێشک و ئەنجامدانی نەشتەرگەری بۆی بەهۆی خراپی دۆخی تەندروستییەوە لە شاری مەککە گیانیلەدەستدا.
ئەو حاجییە لەدایکبووی ساڵی 1955 بوو، لە کاتی بەڕێکەوتنی حاجیانی هەرێم لە شاری مەدینەوە بۆ شاری مەککە تووشی جەڵتەی مێشک ببوو و گواسترابووەوە بۆ نەخۆشخانەی مەلیک فەیسەڵ.
سەرەتای ئەم هەفتەیەش کچی حەو حاجییە گەیشتە لای و گواسترایەوە بۆ نەخۆشخانەی سعودی و ئەڵمانی و نەشتەرگەری بۆ ئەنجامدرا.
لە دوای گەیشتنیان بە عەرەبستانی سعودی ئەمە دووەمین حاجی هەرێمی کوردستانە گیانلەدەستبدات.
