ئەمڕۆ حاجییەکی کورد لە وڵاتی سعودیە بەهۆی جەڵتەی دڵەوە کۆچی دواییکرد.
بەڕێوەبەرایەتی حەج و عومرەی هەرێم بڵاویکردەوە، “ئەمڕۆ لە شاری مەککەی پیرۆز هاوڵاتییەک بە ناوی ڕەحمە قادر حەسەن لە دایکبووی ساڵی 1957 ، دانیشتووی ئیدارەی سەربەخۆی راپەرین کۆچی دواییکرد”.
ئاماژەی بەوەشکرد، “ئەو هاوڵاتییە پێشتر نەخۆشی دڵی هەبووە و لە سلێمانی قەستەرەی بۆ کراوە و دوای ئەوەی باری تەندروستی تێکدەچێت تیمەکانی تەندروستی حاجیانی کوردستان ئەوەی پێویست بوو بۆیان ئەنجامداوە و هەر ئەوکاتە گەیەندراوەتە نەخۆشخانەی مەلیک عەبدولعەزیز، دوای هەموو هەوڵە پزیشکییەکان بە داخەوە دواجار کۆچی دواییکرد”.
