پۆلیسی سلێمانی کەسێکی دەستگیرکرد کە لەلایەن هاوڵاتییانەوە سکاڵای لەسەر تۆمارکرابوو بەهۆی ئەوەی دزی لێکردوون.
لە راگەیەندراوی بەڕێوەبەرایەتیی گشتیی پۆلیسی سلێمانیدا هاتووە، سێ هاوڵاتی سکاڵایان تۆمارکردووە کە دزییان لێکراوە، لێکۆڵینەوە و بەدواداچوونیان بۆ تۆمەتبارەکە کردووە.
رایگەیاندووە، کە تۆمەتبارەکە لەلایەن پۆلیسی نەهێشتنی تاوانی ناوبازاڕەوە دەستگیکراوە و دەستیش بەسەر بڕێک پارەدا گیراوە.
تۆمەتبارەکە ناوی (ح،ج،ق)ـە لەدایكبووی 1979یە و سێ فەرمانی گرتنی هەبووە و لە دادگای سلێمانیش داواكراو بووە.
لە ئێستادا بەپێی ماددەی 446 لە یاسای سزادانی عیراقی راگیراوە و پێشتریش بەتۆمەتی دزیكردن بەند كراوە و سزای یاسایی دراوە.
