ئاسایشی هەولێر دەستگیركردنی باندێك رادەگەیەنێت و دەڵێت، دۆلاری ئەمریكی و دیناری عێراقییان ساختەكردووە.
بەڕێوەبەرایەتیی ئاسایشی گشتیی هەولێر رایگەیاند، دوای بەدواداچوون و چاودێریکردنی وورد، هێزەکانی سەر بە بەڕێوەبەرایەتی ئاسایشی ئابوری، دوای وەرگرتنی بڕیاری دادوەر، لە ئۆپەراسیۆنێکدا سێ تۆمەتباری سەرەکیی باندێکی دروستکردنی دۆلاری ئەمریکی و دیناری عێراقی ساختەیان لە هەولێر دەستگیركرد.
هێزەكە دەستیشیگرت بەسەر پارە ساختەکراوەکان و گشت کەلوپەلەکانی ساختەکردنی دراو و دوو قالبی زێڕی ساختە و پارچەیەکی شوێنەواردا.
ئاسایشی هەولێر دەڵێت، تۆمەتباران پەڕاوی لێکۆلینەوەیان بۆ کراوەتەوە و رەوانەی بەردەم دادگا دەکرێن.
