بەڕێوەبەرایەتیی گشتیی پۆلیسی دارستان و ژینگەی سلێمانی رایگەیاند، لە سنووری ناحیەی سێوسێنانی سەربە قەزای قەرەداغ لە چیای گوندی تەکێ، ئاگرێکی بەرفراوان کەوتووەتەوە.
پۆلیسی دارستانی سلێمانی ئاماژە بەوەدەکات کە سەرەتا ئاگرەکە لەلایەن پۆلیسی دارستانی قەرەداغەوە کۆنترۆڵ کراوە، بەڵام بەهۆی سەختیی شوێنەکەوە جارێکی دیکە ئاگرەکە سەریهەڵدایەوە.
راشیگەیاندووە، تائێستا هۆکاری ئاگرەکە نادیارە و لێکۆڵینەوە و بەدواداچوون بەردەوامە بۆ دۆزینەوەی هۆکارەکە یان کەسی تۆمەتبار.
