غەریب ئەحمەد پەرلەمانتاری فراكسیۆنی یەكێتی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، هەڵوێستی یەكێتی لەبارەی دوو پێشنیازەكەی كە تایبەتە گەڕاندنەوەی پاشەكەوتی مووچە و مامەڵەی راستەوخۆی حكومەتی عێراق لەگەڵ پارێزگاكان نەگۆڕە و بڕیارە ئەمشەو ماددەی 14 بخرێتە دەنگدانەوە و بە دەنگدان ئەو دوو بڕگەیە یەكلابكرێتەوە.
راشیگەیاند، پێشنیازەكەی یەكێتی لەبارەی گەڕاندنەوەی پاشەكەوتی مووچە و مامەڵەی راستەوخۆی پارێزگاكان دەخرێتە دەنگدانەوە و ئەگەر پەسەندكرا سەركەوتن بۆ هەموو خەڵكی كوردستانە.
ئەو پەرلەمانتارەی یەكێتی جەختیكردەوە، لە هەوڵەكانیان بۆ زامنكردنی مووچەی مووچەخۆران و مافەكانیان بەردەوامدەبن.
