كۆنگرێسی ئەمریكا ڕەزامەندی لەسەر سەدان ملیار دۆلار دەربڕی بۆ هاوكاریكردن و بوژاندنەوەی ئابوریی وڵاتەكەی.
دوێنێ دووشەممە 21ی كانونی یەكەم، كۆنگرێسی ئەمریكا ڕەزامەندی لەسەر بودجەیەك بە بڕی 892 ملیار دۆلار دەربڕی بۆ بوژاندنەوەی ئابوریی ئەمریكا، پاش ئەوەی بەهۆی ڤایرۆسی كۆرۆناوە زیانی گەورەی پێگەیشتووە.
پێشبینی دەكرێت سەرۆكی ئەمریكا بەم نزیكانە ئەو پرۆژەیاسایەی كۆنگرێس واژوو بكات بۆ ئەوەی ببێت بە یاسایەك و كاری پێ بكرێت.
پەسەندكردنی ئەو پرۆژەی پاڵپشتییە، پاش ئەوە دێت كە لەلایەن یاسادانەرانی كۆنگرێسەوە مشتومڕێكی زۆری لەبارەوە كرا.
