بەرپرسانی ئەمریکا باس لەوە دەکەن کە فڕۆکە جەنگییەکانی هێزی ئاسمانیی ئەمریکا، فڕۆکەیەکیان راوەدووناوە دوای ئەوەی ئاسمانی واشنتۆن دی سی بەزاندووە و دواتر تێکشکاوە.
میدیاکانی ئەمەریکا رایانگەیاندووە، فڕۆکەکە دوای پێشێلکردنی سنووری ئاسمانیی واشنتۆن و راوەدوونانی لەلایەن فڕۆکە جەنگییەکانی هێزی ئاسمانیی ئەمریکاوە لە ویلایەتی ڤێرجینیا تێکشکاوە.
بەهۆی بەزاندنی ئاسمانی واشنتۆنەوە، کاپیتوڵ بۆ ماوەیەکی کورت خرایە حاڵەتی ئامادەباشیی بەرزەوە تاوەکو فڕۆکەکە ناوچەکەی بەجێهێشت .
ئیدارەی فڕۆکەوانیی فیدراڵی رایگەیاندووە، فڕۆکەکە لە جۆری سیسنا بووە و لە ناوچە شاخاوییەکان لە باشووری رۆژئاوای ڤێرجینیا کەوتووەتە خوارەوە .
