فەیسەڵ میقداد وەزیری دەرەوەی سوریا، بەسەردانێك گەیشتە بەغداد و بڕیارە لەگەڵ بەرپرسانی باڵای عێراقدا كۆببێتەوە.
میدیای فەرمیی حكومەتی سوریا بڵاویكردەوە، فەیسەڵ میقداد وەزیری دەرەوەی سوریا لەسەر داوای هاوتا عێراقییەكەی، بە سەردانێك گەیشتە بەغداد و بڕیارە لەگەڵ سەركردە و گەورە بەرپرسانی عێراق، بەمەبەستی پەرەپێدانی پەیوەندییەكانی نێوان بەغداد و دیمەشق كۆببێتەوە.
هاوكات پێشتریش ئەحمەد سەحاف وتەبێژی وەزارەتی دەرەوەی عێراق رایگەیاندبوو، فەیسەڵ میقداد چاوی بە وەزیری دەرەوە و هەر سێ سەرۆكایەتییەكە و سەرۆكی ئەنجومەنی باڵای دادوەریی عێراق دەكەوێت و پتەوكردنی پەیوەندییەكانی نێوان هەردوو وڵات جەختیلەسەر دەكرێتەوە.
