لە ئەنجامی تەقینەوەی دوو بۆمب و دەستڕێژی گوللە لە ئاهەنگێکی هاوسەرگیری لە شاری حومسی سوریا 47 کەس برینداربوو و دوو کەسیش گیانیان لەدەستدا.
وەزارەتی ناوخۆی سوریا بڵاویکردەوە، “لە ئاهەنگێکی هاوسەرگیریدا لە ناوچەی عەین نەسری سەر بە پارێزگای حومس چەند کەسێک دوو بۆمبیان هەڵداوەتە ناو ئامادەبووانەوە و دواتریش دەستڕێژی گوللەیان لێکردوون”.
ئاماژەی بەوەشکرد، “لە رووداوەکەدا دوو کەس گیانیان لەدەستداوە و 47 ی دیکەش برینداربوون کە برینی ژمارەیەکیان سەختە، دوو ئەنجامدەری تاوانەکەش دەستگیرکراون”.
ئاشکراشیکرد، “بە پێی لێکۆڵینەوە سەرەتاییەکان رووداوەکە بەهۆی کێشەی کۆمەڵایەتییەوە روویداوە”.
