ئاسایشی راپەڕین دەستگیركردنی دوو كەس بە تۆمەتی دزی رادەگەیەنێت و ئۆتۆمبێلێكی دزراویش بۆ خاوەنەكەی دەگەڕێنێتەوە.
بەڕێوەبەرایەتیی ئاسایشی راپەڕین رایگەیاند، دوای ئەوەی هاوڵاتییەک سکاڵای کرد کە ئۆتۆمبێلێکی لە جۆری (مینی پاس) لێدزراوە، لەلایەن بەڕێوەبەرایەتییانەوە دەست بە گەڕان و بەدواداچوون کرا.
سەرەنجام شەوی 26 لەسەر 27ی ئەم مانگە لەناو شارۆچکەی رانیە دوو تۆمەتبار بە ناوەکانی (س.ق.ح.) و (س.م.و.) دەستگیركران، وەك ئەوەی ئاسایشی راپەڕین ئاماژەی پێداوە و ئەوەشی خستەڕوو، دواتر لە ناوچەی پیشەسازیی رانیە ئۆتۆمبێلە دزراوەکە دۆزرایەوە و گەڕێندایەوە بۆ خاوەنەکەی.
تۆمەتباران بە بڕیاری دادوەری لێکۆڵینەوە بە ماددەی (444)ی یاسای سزادانی عێراقی راگیراون و لێکۆڵینەوە لە دۆسیەکەیان بەردەوامە.
