دەزگای ئاسایشی هەرێمی کوردستان دەستگیرکردنی سێ تەقەکەری لەلایەن ئاسایشی سلێمانییەوە راگەیاند، هەستاون بە بەکرێگرتنی کەسانێک بۆ ئاژاوە دروستکردن و تێکدانی ئارامی و ئاسایشی هاوڵاتییان.
لە راگەیەندراوی دەزگای ئاسایشی هەرێمی کوردستاندا ئاماژە بەوەکراوە، دوای بەدەستهێنانی زانیاری، سێ تۆمەتبار دەستگیرکران ، یەکێک لە تۆمەتباران بەناوی ( ه ، م ، ج ) دانیشتووی قەزای چەمچەماڵ، چەند کەسێکی بەکرێ گرتووە بۆ ئەوەی لە سنووری قەزای چەمچەماڵ هەستن بە تەقەکردن و نانەوەی پشێوی و تێکدانی ئارامی و ئاسایشی هاوڵاتیان.
تۆمەتباران بەپێ ی ماددەی 432 لە یاسای سزادانی عێراقی راگیراون و لێکۆڵینەوە لە دۆسیەکانیان بەردەوامە.
