یوسف ئەلكەلابی ئەندامی ئەنجومەنی نوێنەرانی عێراق دەڵێت، “چاومان بە بەیاننامەكانی سەرۆك وەزیرانی هەرێم كوردستان و پارتی دیموكراتی كوردستان كەوت و ئەو دەستەواژە و دەربڕینانەی تیایاندا هاتووە، مایەی داخ و پەژارەیەكی زۆرە و لە زۆربەیاندا خۆیان لە راستییەكان لاداوە”.
ئەو پەرلەمانتارە ئاماژەی بۆ ئەوەش كرد، ئەم بەیاننامە ئیستیفزازییانە دوورن لە واقیعەوە، ئەگەریان هەیە ببنە مایەی ئاڵۆزكردنی دۆخەكە بە تایبەتی ئەوەی ئەمڕۆ لەلایەن جێگری دووەمی سەرۆكی ئەنجومەنی نوێنەرانەوە بڵاوكرایەوە، وەك هەوڵێك بۆ راگرتنی كاری لیژنەكە بە پاساوی بێبنەما، لە رێگای خستنەڕووی بابەتی نا یاسایی و نا لۆژیكی، ئەمەش پشتگیریی دوژمنایەتی بێپاساو دەكات كە هەندێك ئەندامی پارتی دیموكراتی كوردستان كاری بۆ دەكەن و لێرەوە تەئكیددەكەینەوە لەوەی ئێمە بەردەوامدەبین لە رێگرتن لە هەر لایەنێك هەوڵی دواخستنی بودجە بدات و بیەوێت كاروباری حكومەت لە رووی خزمەتی خەڵك و شایستە داراییەكانیان دوابخات.
