ئەمرۆ شەممە، ھێزەكانی بەڕێوەبەرایەتیی گشتیی دژەتیرۆر _ CTG، پێشمەرگە و سوپای عێراق لەو ناوچانەی لە نێوانیاندا وەك بۆشایی ئەمنی دیاریكراوە لە نێوان قەزای خورماتوو، ناوچەی داوێ ئۆپەراسیۆنێكی هاوبەشیان بۆ پاشماوەكانی گروپی تیرۆریستانی داعش و دۆزینەوەی حەشارگەكانیان ئەنجامدا.
چالاكییەكانی گروپە چەكدارەكان لەو ناوچانەی بۆشایی ئەمنییان تێدا بەدی دەكرێت بووەتە مەترسی بۆسەر هێزە چەكدارەكانی عێراق بە گشتی و دانیشتووانی ئەو ناوچانە بە تایبەتی، ئەنجامدانی ئەم ئۆپەراسیۆنە هاوبەشانە بە مەبەستی نەهێشتن و كەمكردنەوەی شوێنەواری ئەو گروپانەیە بە تایبەتی داعش.
