بەرەبەیانی ئەمڕۆ گەنجێك لە شاری کەرکوک لە ناو باخەکەی خۆیدا کوژرا کە خاوەنی پاڵاوتگەی سووتەمەنییە.
پەیامنێری تۆڕی میدیایی ئێستا گواستییەوە، “هاوڵاتییەک بە ناوی (ئ،ع،ف) کە خاوەنی پاڵاوتگەی سوتەمەنییە، کاتژمێر 3:00 ی بەرەبەیانی ئەمڕۆ لە نێو باخەکەیدا نزیک گوندی سەقزلی لەلایەن چەن چەکدارێکی نەناسراو بە دەمانچەی بێ دەنگ کوژرا”.
ئاماژەی بەوەشکرد، “بەپێی زانیارییەکان چەکدارەکان دوو فیشەکیان ناوە بە سەری کوژراوەکەوە و بۆ شوێنێکی نادیار هەڵهاتوون”.
ئاشکراشیکرد، “پۆلیس دەستی بە لێکۆڵینەوە کردووە و هاوسەرەکەیان دەستگیرکردووە و بەدوای سەرەداوەوەیە تا بیانگەیەنێت بە بکوژەکان”.
