ئەمشەو لە رووداوێکی هاتوچۆدا لە نزیک ناحیەی هەریر پێنج کەس گیانیان لەدەستدا کە بەڕەگەز عەرەبن.
ئەمشەوی پێنجشەممە، لەسەر رێگای شێخ توراب بۆ قەندیل لە نزیک گوندی قەلاتە جنی سەر بە ناحیەی هەریر ئۆتۆمبێلێک وەرگەڕا و بەهۆیەوە پێنج کەس گیانیان لەدەستدا کە بەڕەگەز عەرەبن و ئەندامی یەک خێزانن.
ئەو خێزانە یەکێکن لە خێزانە رەوەندەکانی ناوچەکە و سەرقاڵی ئاژەڵدارین، ئێوارەی ئەمڕۆ بە ئۆتۆمبێلەکەیان ژمارەیەک ئاژەڵیان گواستووەتەوە و تووشی رووداوەکە بوون.
