قائیمقامیەتی سلێمانی لەبارەی بەکرێدانی شەقامەکانی بەردەم شوێنی پارککردنی ئۆتۆمبێل لەلایەن خاوەنی ئەو شوێنانەوە، ئاگادارییەکی بڵاوکردەوە و هۆشداری دەداتە خاوەن پارککردنەکان و شۆفێران.
لە راگەیەندراوێکی لیژنەکانی قائیمقایەتی سلێمانیدا هاتووە، خاوەن ئەو شوێنانەی ئۆتۆمبێلیان تێدا پارکدەکرێت و شەقامەکانی بەردەمیان دەدەن بە کرێ، رووبەڕووی رێکاریی یاسایی دەکرێنەوە و ئەو هەنگاوەش لەسەر سکاڵای هاوڵاتییان بووە.
رائیدی هاتوچۆ دانا عوسمان، سهرۆكی لیژنهی هاتوچۆی قائیمقامیهتی سلێمانی رایگهیاند، شهقام و شۆستهی بهردهم پاركهكانی ئۆتۆمبێل موڵكی گشتین و بۆ راگرتنی ئۆتۆمبێل و بهكرێدان نیه، لهسهر سكاڵای هاوڵاتییان و بههۆی بهكرێدانی شهقامهكان لهلایهن خاوهن پاركهركانی ئۆتۆمبێل بهتایبهت ناوبازاڕ، لیژنهكه رێكاری یاسایی بهرامبهر چهند شوێنێك گرتوهتهبهر و سزای یاساییان بهسهردا دهسهپێنێت.
وتیشی، بهپێی یاسا، شهقامهكان موڵكی گشتین و بهكارهێنان بۆ هاوڵاتییانه و ههركهسێكیش بیهوێت بۆ بهرژهوهندی تایبهتی خۆی بهكاریبهێنێت و كرێی وهستانی ئۆتۆمبێل لهو شوێنانه له هاوڵاتی وهربگرێت، لهلایهن لیژنه هاوبهشهكانی قائیمقامیهتی سلێمانیهوه رووبهڕووی رێكاره یاساییهكان دهكرێتهوه.
سهرۆكی لیژنهی هاتوچۆی قائیمقامیهتی سلێمانی ئاماژهی بۆ ئهوهكرد، پارككردنی ئوتومبێل لهشهقامهكان و گهڕهكهكان بهتایبهتی ناوبازاڕ قهدهغهیه، چونكه دهبێته هۆی دروستبوونی قهرهباڵغی و ئاستهنگی هاتوچۆ بۆ هاوڵاتییان، باشتر وایه لهناو پاركهكانی ئوتومبێل رابگیرێن، بۆ ئهوهی لهلایهن بهڕێوهبهرایهتیی هاتوچۆوه رووبهڕووی سزا و غرامهكردن نهبنهوه.
راشیگهیاند، ههر خاوهن گهراجێك ئۆتۆمبێلی هاوڵاتییان لهسهر شهقام یان شۆستهی نزیك گهراجهكهی رابگرێت و كرێی لێوهربگرێت، شۆفێرهكه دهتوانێت سكاڵای لهسهر بكات و لیژنه هاوبهشهكان ئاگاداربكاتهوه.
