لە رووداوێكی تەقەكردندا لە ناو چەمچەماڵ گەنجێك كوژرا.
شەریف رەحیم، جێگری بەڕێوەبەری تەندروستیی چەمچەماڵ بە تۆڕی میدیایی ئێستای راگەیاند، ئێوارەی ئەمڕۆ تەرمی گەنجێكی تەمەن 22 ساڵ گەیەندرایە سەنتەری فریاكەوتن كە بە فیشەك كوژرابوو.
وتی، “رووداوەكە لەناو چەمچەماڵ بووە، پاش پشكنین و رێكارەكان تەرمەكەی رادەستی كەسوكاری كرایەوە”.
گەنجەكە ناوی (ئەیوب جەبار عەبدولكەریم)ە و خەڵکی گوندی گوڵم کەوەی ناوشوانە لە چەمچەماڵ.
