دەستەی باڵای هەڵبژاردنەکانی تورکیا ئەنجامی کۆتایی هەڵبژاردنەکانی 14 ی ئەم مانگەی وڵاتەکەی بڵاوکردەوە.
بەپێی ئەنجامی کۆتایی هەڵبژاردنە سەرۆکایەتییەکی تورکیا، رەجەب تەیب ئەردۆگان کاندیدی هاوپەیمانی کۆمار توانیویەتی 49.52% ی دەنگەکان بەدەستبهێنێت، لەبەرامبەریشدا کەمال کلیچدار ئۆغلو توانیویەتی 44.88%ی دەنگەکان ببات.
لە هەڵبژادنەکانی ئەم جارەی تورکیادا %87.04 ی هاوڵاتییانی وڵاتەکە بەشدارییان کردووە.
لەبەرئەوەی هیچ کام لە کاندیدەکان دەنگی پێویستیان بۆ وەرگرتنی پۆستی سەرۆکی وڵاتەکە بەدەستنەهێناوە، دەستەی باڵای هەڵبژاردنەکان چوونە گەڕی دووەمی هەڵبژاردنی راگەیاندووە.
بڕیارە 28 ی ئەم مانگە گەڕی دووەمی هەڵبژاردنەکان لەنێوان هەردوو کاندیدی رکابەردا بەڕێوەبچێت.
