بڕیارە ئەمڕۆ ئەنجومەنی وەزیرانی عێراق لەسەر مووچەی مووچەخۆرانی هەرێم کۆببێتەوە.
بە وتەی لوقمان وەردی، ئەندامی سەرکردایەتیی یەکێتیی نیشتمانیی کوردستان، بڕیارە ئەمڕۆ حکومەتی عێراق کۆبوونەوەیەکی نائاسایی ئەنجامبدات و بڕیاری ناردنی مووچەی مووچەخۆرانی هەرێم بدات.
بەپێی رێککەوتنی سەرەتایی نێوان هەردوو حکومەتی هەرێم و عێراق، هەرێمی کوردستان رۆژانە 230 هەزار بەرمیل نەوت و مانگانە 120 ملیار دیناری داهاتی نانەوتی رادەستی بەغداد دەکات، لەبەرامبەردا بەغداد مووچەی مانگی پێنج، شەش و مانگەکانی دیکەش بۆ هەرێم دەنێرێت.
