کەمێک پێش ئێستا لە گەڕەکی ئازادیی شاری کۆیە، بەهۆی کێشەی کۆمەڵایەتییەوە کەسێک تەقەی لە ماڵ خەزووری کردووە، لە ئەنجامدا چوار کەس کوژراون و کەسێکیش بریندارە.
پەیامنێری تۆڕی میدیایی ئێستا گواستییەوە، کەمێک پێش ئێستا لە گەڕەکی ئازادیی شاری کۆیە، بەهۆی کێشەی کۆمەڵایەتییەوە شەڕەتەقە دروستبوو، کەسێک تەقەی لە ماڵی خەزووری کردووە، بەوهۆیەوە خێزانەکەی و دوو کچی خۆی دەکوژێت کە لەو کاتەدا لە ماڵی خەزووری بوون.
هەروەها بە هەڵە گوللـە بەر دراوسێیەکی ماڵی خەزووری کەوتووە و ئەویش گیانی لەدەستداوە.
هەروەها بەپێی زانیارییەکان، کوڕێکی بکوژەکە بریندارە و ئێستا لە نەخۆشخانە چارەسەر وەردەگرن.
ئەمە لەکاتێکدایە لە دوو رۆژی رابردووشدا لە بنکەی پۆلیسی ئازادیی کۆیە، بەهۆی کێشەی کۆمەڵایەتییەوە شەڕەتەقە روویدا و شۆفێری تاکسییەک بە هەڵە گوللـەی بەرکەوت و کوژرا.
