محەمەد شیاع سودانی سەرۆك وەزیرانی عێراق رایگەیاند، پلانیان هەیە پێنج هەزار خوێندكار بنێرنە دەرەوەی وڵات بۆ خوێندنی ماستەر و دكتۆرا.
ئەمڕۆ دووشەممە نووسینگەی سەرۆك وەزیرانی عێراق بڵاویكردەوە، سەرۆك وەزیران ستراتیژی نیشتمانیی بۆ پەروەردە و فێركردن راگەیاندووە و ناردنە دەرەوەی خوێندكاران بۆ تەواوكردنی خوێندنی باڵا لەخۆدەگرێت.
بەپێی راگەیەندراوی نووسینگەی سەرۆك وەزیرانی عێراق، محەمەد شیاع سودانی پلانی هەیە پێنج هەزار خوێندكار بنێردرێنە دەرەوەی وڵات بۆ خوێندنی ماستەر و دكتۆرا و دەڵێت، “خوێندنی باڵا لە دەرەوەی وڵات، هەموو پسپۆڕی و بوارە جۆراوجۆرەكان دەگرێتەوە”.
