دەستەی کەشناسیی عێراق بڵاویکردەوە، لە بەیانی ئەمڕۆوە شەپۆلێکی خۆڵبارین بەشێک لە ناوچەکانی عێراق دەگرێتەوە و لە کاتەکانی شەودا شەپۆلەکە چڕ دەبێتەوە.
دەستەی کەشناسیی عێراق لە راگەیەندراوێکدا بڵاویکردەوە، “لە بەیانی ئەمڕۆ شەممەوە شەپۆلێکی خۆڵبارین رۆژئاوا و ناوەڕاست و باشووری عێراق دەگرێتەوە”.
هەر لە راگەیەندراوەکەدا هاتووە، “شەپۆلەکە لە ناوچەکانی بەغداد و ئەنبار و شەنگال و سەڵاحەدین و هەولێر و سلێمانی و دیالە و ناسریە و میسان و بەسرە دەگرێتەوە”.
ئاشکراشیکردووە، “پلەکانی گەرما نزمبوونەوە بەخۆیانەوە دەبینن، لە کاتەکانی شەودا شەپۆلی خۆڵبارینەکە چڕ دەبێتەوە ئاستی بینین کەمدەبێتەوە”.
