بەپێی ڕاپۆرتێکی دەستەی گشتی کەشناسی و بومەلەرزەزانیی عێراق، تەنها لەماوەی مانگی نیساندا حەوت بوومەلەرزەی تۆمارکردووە، ئەمەش زیاترە لەوەی لە تورکیا و ئێران تۆمارکراون.
لە راپۆرتەکەدا ئاماژە بەوە کراوە کە 16 بومەلەرزە لە ناوچەکە تۆمار کراوە کە حەوتیان لە ناو خاکی عێراق و 5 لە ئێران و 4یش لە سوریا و تورکیا بوون.
هێزی ئەم بوومەلەرزانە لە نێوان 2.5 بۆ 4.6 بوو، بە قوڵایی 5 بۆ 28 کیلۆمەتر و چالاکییەکانیان بە ڕوونی لە عێراق چڕبووەوە.
لە ڕاپۆرتەکەدا ئەو ناوچانەی دەستنیشان کراوە کە ڕاستەوخۆ زیانیان بەرکەوتووە بەهۆی بوومەلەرزەکانەوە، ئەوانیش؛ کەرکوک و دیالە و واست و دیوانیە بوون.
