ئاگر لە بەشی پێشەوەی باڵەخانەیەك لە شەقامی 100 مەتری شاری ھەولێر كەوتەوە و لەلایەن تیمەكانی بەرگری شارستانییەوە ئاگرەكە كۆنتڕۆڵكرا و رووداوەكەش جگە لە زیانی ماددیی هیچ زیانێكی گیانی نەبووە.
پەیامنێری تۆڕی میدیایی ئێستا لە هەولێر گواستییەوە، ئاگرەكە لە سەنتەرێكی جوانكاری ئافرەتان و نووسینگەیەكی كڕین و فرۆشتنی خانوو كەوتووەتەوە.
تا ئێستا هۆكاری كەوتنەوەی ئاگرەكە نەزاندراوە و هێزە ئەمنییەكان لێكۆڵینەوەیان لە رووداوەكە دەستپێكردووە.
