دەزگای ئاسایشی هەرێم دەستگیرکردنی باندێکی ساغکردنەوەی دراوی ساختەی لە قەزای شارەزوور راگەیاند.
بەپێی راگەیەندراوی دەزگای ئاسایشی هەرێم، “بە پشتبەستن بە زانیاریی وورد هێزەکانی بەڕێوەبەرایەتی ئاسایشی شارەزوور لە رێکەوتی 9 ی ئەم مانگە لەناو قەزای سەیدسادق توانیان سێ تۆمەتبار بە ناوەکانی ( ا ، ت ، م )،( ڕ، ک ، م )،( م ، ڕ ، ح ) دەستگیربکەن و دەستبگرن بەسەر بڕی پێنج ملیۆن دینار ی ساختە لە جۆری 25 هەزاری و 50 هەزار دیناریدا”.
هەر لە راگەیەندراوەکەدا هاتووە، “تۆمەتباران لە کاتی ساغکردنەوەی ئەو بڕە پارەیەدا دەستگیرکراون، لە لێکۆڵینەوەدا دانیان بەتاوانەکەیاندا ناوە و هەرسێ تۆمەتباران بە فەرمانی دادوەر بەپێی ماددەی 281 لە یاسای سزادانی عێراقی پەڕاوی لێکۆڵینەوەیان بۆ کراوەتەوە و رووبەڕووی یاسا کراونەتەوە”.
